Witzen

Uplustert

Opa Meiners sitt an’e Werser un angelt. Sin Enkeldochter späält bi em. Mit’n Mal plückt se ‘n Handvull Gras af, hollt se ärn Opa hen un roppt:”To, Opa, biet mal rin!” “Nä, Deern!” seggt Opa. “Ik bün doch kin Koh oder Schaap!” De Deern avers lett nich na. Se bitt’t un bädelt: Och Opa! Doo’t doch! Biet dr mal rin! To, Opa, to!” Do ward Opa week un bitt in’t Gras. Do lacht de Deern over’t ganze Gesicht un roppt: “Hurra! Nu kriegt wi’n Feernsehapp’rat!” “Wo kummst dar denn up, Deern?” fraagt Opa. “Ja!” seggt de Deern. “Vader, de sä güstern:Wenn Opa in’t Gras bitt, kriegt wi’n Fernsehapp’ratt!””

Quell: Diers, Heinrich, Dat dat dat gifft! Anekdoten aus Stadt und Land Oldenburg, 2. Auflage 1973, Verlag Schuster in Leer, S.63.

De Dickkopp

“Buur Harmjanns kummt s’abends na Huus, an’e Hand ‘n Päärd, wat dr stark lahmen deit. Sin Naver gerdsen sütt dat un fraagt wat hönsch:”Na Naver! Din Päärd, dat lahmt ja!” Do seggt Harjanns ganz ruhig: “Ja, dat dumme deert hett mi vör’n Kopp slaan!”

Quell: Diers, Heinrich, Dat dat dat gifft! Anekdoten aus Stadt und Land Oldenburg, 2. Auflage 1973, Verlag Schuster in Leer, S.7.

Darum

“De Bahnhoff van Ovelgünn liggt’n goot Stück van’t Dorp af. Pangelt sik dar is ‘n Frömden van’e Bahn na’t Dorp to. As he jüüst is steiht un sik verpuust, kummt’n lesenbahner an em vörbi. “Seggen Se is!” fraagt de Frömde.”Dat is hier ja ‘n narrschen Kraam! Warum hefft Ji den Bahnhoff blot so wiet van’t Dorp af?” “Ja!” seggt de lesenbahner. “Warum? Wi wullen den Bahnhoff dicht bi de Bahn hebben!””

Quell: Diers, Heinrich, Dat dat dat gifft! Anekdoten aus Stadt und Land Oldenburg, 2. Auflage 1973, Verlag Schuster in Leer, S.58.

Hunneläven

“Jan Rickmers kummt s’abends van’e Arbeit na Huus. Dat Abendäten is noch nich klaar. Jan is slecht bi Luun un fangt an to schimpen: Dat is ja’n Hunneläven, wat ik hier heff!” “Hunneläven?” meent do sin Fro. “Dat kann woll stimmen: Du kummst mit schieterige Fööt in’e Stuuv, settst di an’n Aben, gnurrst un luurst up din Foor!”

Quell: Diers, Heinrich, Dat dat dat gifft! Anekdoten aus Stadt und Land Oldenburg, 2. Auflage 1973, Verlag Schuster in Leer, S.77.

Kuntakt

Ostfriesland Tourismus GmbH
Ledastraße 10
26789 Leer
04 91 / 91 96 96 60
urlaub‎@‎ostfriesland.de