Klootscheten

Dat Klootscheten is en Stand- of Feldkampf, de up hartfroren Gröönland utsmeten word. En Holtkugel, mit Lood utgoten, mit en Dickde van 5,6 cm, word van en Ofsprungbredd wied dör de Lücht smeten. Umdat de Smieter neet utglieden deit, liggt vör dat Brett en langen Anloopmatt. En Trumpetensignaal gifft de Padd freei un warnt de Tokiekers. De besten smieten de 175 g swaar Kugel over hunnert Meter wied dör de Lücht, up Grund trüllert se denn noch 50 bit 80 Meter wieder. Bi de Feldkampf word de Trüll mitrekent.


De belangriektste Klootscheter-Feldkampf is de tüsken Oostfreesland un Ollnbörg. Daar word en ollen Tegenstried up dat Sportrebett wieder utdragen.
Man ok enkelte Dörpen scheten tegennanner. As Teken hangt de Herutförderer in de Wertskupp en smückt Klootkugel up. Will dat anner Dörp of de anner Mannskupp de Kampf annehmen, word de Kugel ofnohmen un de Kondiesjes uthannelt. Föher smeet man „up Unnerst“, de Smieters harren blot en langen Unnerbüx („Lang Hinni“) un en Unnerhemd an. Snaps sörgde för de nödig Warmte. Dat Klootscheten hett nett as dat Boßeln en lagen Tradition, mit Urkunnen kann dat för 400 bit 500 Jahr torügg beleggt worden. Man waarut de Kampf enstahn is, weet man nich.


Mehr over Boßeln un Klootscheten gifft dat hier:

Kuntakt

Ostfriesland Tourismus GmbH
Ledastraße 10
26789 Leer
04 91 / 91 96 96 60
urlaub‎@‎ostfriesland.de