Boßeln

Bi dat Boßeln word en Kloot ut Kunststoff of Gummi mit negen bit twalv Zentimeter Dickde mit vull Kraft up de Straat lang smeten. Daarto nimmt de Smieter sowat 20 m Anloop. De Kloot word denn heel fell un mit groot Swung na vörn smeten. Dat is as bi dat Kegeln, blot kummt dat bi dat Boßeln d’rup an, mögelsk wied to komen.
Bi dat Ofsmieten gifft dat dree verscheden Maneren:


Liek ut d‘ Hand: liekut (bi Straten, de neet na rechts of links hangen)


Over d‘ Finger: de Unnerarm word en bietje na de Körper hendreiht, de Kloot word over de lüttje Finger smeten, denn kriggt de Kloot en                 Linksdrall (bi Rechterpoten).


Over d‘ Duum: de Unnerarm word en bietje van de Körper wegdreiht, de Kloot word over de Duum smeten, denn kriggt de Kloot en Rechtsdrall (bi Rechterpoten).


Meesttieds word up Landstraten bosselt. De Gastgever fangt an. Dat geiht an de d‘ Startpunkt los, daarna word smaals daar ofschoten, waar de vörigst Kloot ankomen is. De Mannskupp, de achter bleven is, smitt immer toeerst. Well toeerst an de Ziellinie ankomen is, hett wunnen.


Mehr over Boßeln un Klootscheten gifft dat hier:

Webbstee: www.bosseln-online.de

Kuntakt

Ostfriesland Tourismus GmbH
Ledastraße 10
26789 Leer
04 91 / 91 96 96 60
urlaub‎@‎ostfriesland.de